काठमाडौं । मोरङको विराटनगरमा पहिलो पटक विराट क्रिकेट कप प्रतियोगिता हुने भएको छ । पूर्वाञ्चल क्रिकेट एकेडेमीले काठमाडौं मंगलबार पत्रकार सम्मेलन गरी प्रतियोगिताको बारेमा जानकारी दिएको हो ।
प्रतियोगिता विराटनगरस्थित पुलिसको टेनिङ सेन्टर मैदानमा प्रतियोगिता हुनेछ । प्रतियोगिता आगामी वैशाख २० देखि जेठ ५ गतेसम्म हुने भनिएपनि मिति तय भने भइसकेको छैन ।
प्रतियोगिता ५० ओभरको फम्र्याटमा हुनेछ । नेपालमा लामो समयपछि ५० ओभरको खेल हुन लागेको हो । प्रतियोगितामा ८ टिमको सहभागिता रहनेछ । २ समूहमा विभाजन गरी गरिने प्रतियोगिता नेपालको अहिलेको अवस्थामा ५० ओभरको खेल निकै सान्दर्भिक रहने पूर्वाञ्चल क्रिकेट एकेडेमीका सचिव सुब्रथ पौडेलले बताए ।
नेपाली क्रिकेट टिमका कप्तान पारस खड्काले धैरैपछि ५० ओभरको खेल विराटनगरमा हुन गई रहेकोमा खुशी रहेको बताए । कप्तान पारसले भने, “नेपालमा ५० ओभरको खेल धेरै भएको छैन । यस्ता प्रतियोगिताले राम्रा खेलाडी उत्पादनमा मद्दत गर्नेछ ।”