काठमाडौं । प्रथम ललितपुर जिल्लाब्यापी रनिङ शिल्ड ब्याडमिन्टन प्रतियोगिता सुरु भएको छ । राष्ट्रिय खेलकुद परिषदका सदस्य सचिव केशव कुमार बिष्ट र नेपाल ब्याडमिन्टन संघका अध्यक्ष रामजी बहादुर श्रेष्ठले मंगलबार प्रतियोगिताको उद्घाटन गरे ।

प्रतियोगितमा १५ बर्ष मुनिका केटा, उच्च २० श्रेणी बाहेकका पुरुष जोडी र ४५ बर्ष माथिका भेट्रान्स जोडीबीच प्रतिस्पर्धा हुने छ । ललितपुर जिल्ला भित्रका २६ क्लबको सहभागिता रहेको प्रतियोगितामा केटा तर्फ १४ खेलाडीले प्रतिस्पर्धा गर्ने छन् भने पुरुष जोडी तर्फ ४६ र भेट्रान्स जोडी तर्फ २७ जोडीले प्रतिस्पर्धा गर्नेछन् ।

प्रतियोगितामा विजयी पहिलो, दोश्रो र तेश्रो हुने खेलाडीहरुले क्रमशः ब्वाईजतर्फ ८, ५ र २ हजार, पुरुष जोडी तर्फ १०, ७ र ४ हजार तथा भेट्रान्स तर्फ ८, ५ र २ हजर सहित ट्रफी प्राप्त गर्ने छन् ।