

-
विराटनगर । विराटनगर–११ जनपथ टोलमा सञ्चालित तरकारीको थोक तथा खुद्रा गुद्री बजार सामाजिक दूरी कायम गरी सञ्चालन भइरहेको छ । जिल्ला प्रशासन कार्यालय मोरङले बजार व्यवस्थापनलाई कोभिड–१९ को जोखिम उच्च देखिएको भन्दै तीन दिन अगाडि बन्द गर्न निर्देशन दिएको थियो ।
मोरङलगायत सुनसरी जिल्लाका नागरिकलाई आलु र प्याजलगायत हरियो तरकारी सहज आपूर्ति गर्दै आएको चैतको तेस्रो हप्तादेखि सञ्चालनमा आएको गुद्री बजारमा थोक तथा खुद्रा उपभोक्ताको अत्यधिक भीडका कारण कोभिड–१९ सङ्क्रमण फैलिने सम्भावना रहेको छ । गुद्री बजारमा बिहान ३ बजेदेखि नै विभिन्न क्षेत्रका तरकारीका व्यापारीको चहलपहल, भीड, टेम्पो, आटोरिक्सा, मोटरसाइकलको आवतजावतले सो क्षेत्रका बासिन्दा कोभिड–१९ को सङ्क्रमण फैलिने आशङ्काले त्रिसित देखिन्छन् ।
सूचनाको हकका वकालतकर्ता निर्मल तामाङले विभिन्न क्षेत्रबाट आउने व्यापारी तथा उपभोक्ताको अत्यधिक भीडले लकडाउनको ठाडै उल्लङ्घन भएको छ भन्दै स्थानीय प्रशासनले कोभिड–१९ को जोखिम रहुञ्जेल बजार बन्द गर्नुपर्ने बताए । गुद्री व्यवस्थापनका सचिव साहव अहमद गुड्डुले स्थानीय प्रशासनको आदेश पालना गर्दै स्वयंसेवकका साथ साबुनपानी हात धुने व्यवस्था, जनचेतना जागृत गराउन माइकिङ गरी बजार सञ्चालनमा ल्याउने कार्य भइरहेको बताउँछन् ।
उनले सुनसरीको देवानगञ्ज, हरिनगरालगायतका तरकारी व्यापारीका कारण समस्या उत्पन्न भएकाले उनीहरुलाई निषेध गरिएको र सामाजिक दूरी कायम गर्दै व्यवस्थितरूपमा स्थानीय बासिन्दाको सुझावमा एवं सहकार्यमा बिक्रीवितरण गर्ने जानकारी दिए ।
स्थानीयवासीले भने गुद्रीको कारण यस क्षेत्रमा कोभिड–१९ को जोखिम उच्च भएको भन्दै बाटोमा ढाँट लगाई एउटा क्षेत्रमा आवतजावत बन्द गराएका छन् । विरानगर–११ वडा सदस्य विमल पोखरेलले कोरोना भाइरसको जोखिम न्यूनीकरण गरी खुद्रा बिक्री वितरण बन्द गर्न बजार व्यवस्थापन लाग्नुपर्ने धारणा व्यक्त गरेका छन् ।
समाजसेवी राजेशसिंह डङ्गोलले गुद्री बजारमा आलु र प्याजको मात्र थोक बिक्री गर्नुपर्ने बताए । गुद्री बजारमा विरानगरका नगर क्षेत्रलगायत कटहरी, सिसवनी जहदा, सुनसरीको देवानगञ्ज, हरिनगरा, कप्तानगञ्ज, धरान, धनकुटा, हिले तथा भारतको सीमावर्ती क्षेत्रलगायतबाट आलु, प्याज, फलफूललगायतका हरियो तरकारी आउने गर्दछ । रासस
News Desk 0 response शुक्रबार, बैशाख ५, २०७७

सम्बन्धित शीर्षकहरु
साढे ९ खर्ब रुपैयाँभन्दा धेरैको क्रिप्टो चोरीमा उत्तर कोरियाली ह्याकर संलग्न : एफबीआई
आइतवार, कार्तिक १६, २०८३-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
श्रीमतीको कुर्सीमा श्रीमान् !
शुक्रबार, मंसिर ५, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३


