

-
सुर्खेत । कर्णाली प्रदेश सरकारले ‘नेपाल भ्रमण वर्ष २०२०’ मा एक लाख पर्यटक भित्र्याउने लक्ष्य लिएको छ । गएको पुस १६ गते अर्थात् २०२० जनवरी १ मा नेपाल भ्रमण वर्षको शुभारम्भ गरेसँगै कर्णाली प्रदेशको पर्यटन प्रवद्र्धन गर्न सरकारले कर्णाली पर्यटन बोर्डसमेत गठन गरिसकेको छ ।
कर्णाली प्रदेश सरकारको मन्त्रिपरिषद् बैठकले गठन गरेको बोर्डको पहिलो बैठकसमेत बस्न सकेको छैन । सरकारले गठन गरेको पर्यटन बोर्ड र त्यसको कार्य तदारुकताका साथ कार्यान्वयन हुन भने ढिलाइ भएको छ । मूलतः बोर्डको कार्यकारी अधिकृत नियुक्त हुन नसकेका कारण यसअन्तर्गत निर्दिष्ट काम सञ्चालन हुन नसकेको उद्योग, पर्यटन, वन तथा वातावरण मन्त्रालयका सचिव डा कृष्णप्रसाद आचार्यले राससलाई जानकारी दिनुभयो ।
“हामीले बोर्डको कार्यकारी अधिकृत पदका लागि खुला प्रतिस्पर्धाबाट लिने गरी १५ दिनको म्याद राखेर यही फागुन ५ गते दर्खास्त आह्वान गरेका छौँ”, रासससँगको कुराकानीमा सचिव डा आचार्यले भन्नुभयो, “अहिलेसम्म कसैको दर्खास्त परेको छैन ।” कर्णाली पर्यटन बोर्डको निर्देशक छनोट तथा सिफारिससम्बन्धी कार्यविधि, २०७६ बमोजिम मापदण्ड पुगेर आएका उम्मेदवारलाई छनोट गरिने उहाँले बताउनुभयो ।
उहाँले थप्नुभयो, “उद्योग, पर्यटन, वन तथा वातावरणमन्त्री नन्दसिंह बुढाको अध्यक्षतामा गठित १५ सदस्यीय बोर्डबाटै काम गर्ने भनेर मन्त्रालयले रु एक करोड ७० लाख बजेट पनि विनियोजन गरेको छ ।” भौगोलिक विकटता र यस प्रदेशका १० वटै जिल्लामा पर्यटनका आवश्यक संरचना निर्माण हुन नसक्दा काममा जटिलता आएको उहाँको भनाइ थियो ।
उहाँका अनुसार जिल्ला समन्वय समितिसँग समन्वय गरेर पर्यटन प्रवद्र्धनका काम गर्न शुरु गरिएको छ । मन्त्रालयका पर्यटन शाखाका शाखा अधिकृत अञ्जु चौधरीले १० जिल्लामा रहेका डिभिजनल वन कार्यालयबाट पर्यटनका योजना कार्यान्वयन गर्ने काम भइरहेको बताउनुभयो । यद्यपि डिभिजनल वन कार्यालयमा पर्यटनसँग सम्बन्धित क्षेत्रको कर्मचारी अभावका कारण कार्यक्रममा प्रभावकारिता आउन नसकेको उद्योग मन्त्रालय कर्णाली प्रदेशले जनाएको छ । रासस
News Desk 0 response शुक्रबार, फाल्गुन १६, २०७६

सम्बन्धित शीर्षकहरु
साढे ९ खर्ब रुपैयाँभन्दा धेरैको क्रिप्टो चोरीमा उत्तर कोरियाली ह्याकर संलग्न : एफबीआई
आइतवार, कार्तिक १६, २०८३-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
श्रीमतीको कुर्सीमा श्रीमान् !
शुक्रबार, मंसिर ५, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३


