

-
दमौली । भेटेरेनरी अस्पताल तथा पशु सेवाविज्ञ केन्द्र तनहुँले पशुपक्षी तथा मस्त्य मोडल फार्म छनोट गरेको छ । केन्द्रले आफ्नो कार्यक्षेत्र रहेको तनहुँ र नवलपुरमा कार्यक्रम सञ्चालनका लागि १०९ मोडल फार्म छनोट गरेको हो । पशुपक्षी तथा मत्स्य मोडल फार्मसम्बन्धी निर्देशिका २०७५ तथा दोस्रो संशोधन २०७६ बमोजिम गठित मूल्याङ्कन समितिमा परेको आवेदनका आधारमा ती फार्म छनोट गरेको विज्ञ केन्द्रका प्रमुख डा बालकुमार श्रेष्ठले जानकारी दिनुभयो । उहाँका अनुसार कार्यक्रम सञ्चालनका लागि तनहुँका ६६ र नवलपुरका ४३ फार्म छनोट गरेको छ ।
साना किसान तथा पशुपक्षी तथा मत्स्य मोडल फार्म कार्यक्रमका लागि विज्ञ केन्द्रले गत साउन १५ गते आवेदन आह्वान गरेको थियो । सो सूचनाअनुसार तनहुँबाट ३२९ र नवलपुरबाट ३०५ कृषकले आवेदन पेश गरेका थिए । कार्यक्रमअन्तर्गत गाईपालन, बाख्रापालन, बङ्गुरपालन, कुखुरापालन, माछापालन गरिरहेका कृषकलाई अनुदान प्रदान गरिनेछ । अनुदानका लागि कृषकले गाईभैँसीतर्फ न्यूनतम १०, बाख्रातर्फ ३८, बङ्गुरतर्फ ३०, लेयर्स कुखुरातर्फ एक हजार, ब्रोइलर कुखुरातर्फ तीन हजार पालेको हुनुपर्ने र माछाका लागि १० रोपनी क्षेत्रफल भएको हुनुपर्ने मापदण्ड रहेको छ ।
यस कार्यक्रमका लागि विज्ञ केन्द्रले गाईभैंसीतर्फ रु दुई लाख ५० हजार, बाख्रा, कुखुरातर्फ रु दुई लाख, लोकल कुखुरातर्फ रु एक लाख ५० हजार र माछातर्फ रु एक लाख अनुदान दिने प्रमुख डा श्रेष्ठले जानकारी दिनुभयो । विज्ञ केन्द्रले दिने अनुदान बराबरको रकम स्वयं कृषकले बेहोर्नुपर्नेछ । “विज्ञ केन्द्रले प्रदान गर्ने अनुदान रकम बराबर नै कृषकले लागत सहभागिता गर्नुपर्ने र पशुको सङ्ख्या बढाउनुपर्ने मापदण्ड रहेको छ”, उहाँले भन्नुभयो ।
विज्ञ केन्द्रले तनहुँको व्यास, शुक्लागण्डकी, भीमाद, भानु, बन्दीपुर, आँबुखैरेनी, ऋषिङ, देवघाट, म्याग्दे, घिरिङ र नवलपुरको गैँडाकोट, बौदीकाली, कावासोती, मध्यविन्दु, विनयीत्रिवेणी, देवचुली, बुलिङटार, हुप्सेकोटलगायतका ठाउँका फार्म छनोट गरेको जनाएको छ । मोडल फार्म परियोजना कार्यक्रमप्रति कृषक आशावादी र उत्साहित देखिएका छन् । यो कार्यक्रमले व्यावसायिक पशुपालनमा उल्लेख्य वृद्धि भएकाले स्वरोजगार सिर्जना भएको विश्वास गरिएको छ । मोडल फार्म भन्नाले कम्तीमा पाँच रोपनी जमिन भएको उन्नत प्रविधियुक्त कृषि फार्म जसको आम्दानीले कम्तीमा पनि परिवारलाई आत्मनिर्भर बनाउने गरी व्यावसायिकरूपमा कृषि तथा पशुपक्षीजन्य उत्पादनका लागि स्थापना गरिएको फार्म हुनुपर्ने विज्ञ केन्द्रले जनाएको छ । रासस
News Desk 0 response शुक्रबार, फाल्गुन १६, २०७६

सम्बन्धित शीर्षकहरु
साढे ९ खर्ब रुपैयाँभन्दा धेरैको क्रिप्टो चोरीमा उत्तर कोरियाली ह्याकर संलग्न : एफबीआई
आइतवार, कार्तिक १६, २०८३-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
श्रीमतीको कुर्सीमा श्रीमान् !
शुक्रबार, मंसिर ५, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३


