काठमाडौं ।

प्रदेश एक सरकारले कृषि अधिकृत, प्राविधिक सहायक र नायव प्राविधिक सहायकलाई करारमा नियुक्ति गर्ने भएको छ । सरकारले यसको प्रक्रिया अगाडि बढाएको छ।

प्रदेश सरकारको मन्त्रिपरिषद्को बैठकले सेवा करारमा छनोट गर्नेसम्बन्धी कार्यविधि २०७६ स्वीकृति प्रदान गरेसँगै कर्मचारी छनोटको बाटो खुलेको हो।

यस्तै प्रदेश सरकारले कर्मचारीको पदस्थापना तथा सरुवा सम्बन्धित कार्यविधि २०७६ मा संशोधन गरेको छ।

कार्यविधिअनुसार अब नबौं र दशौं तहका कर्मचारी सरुवा बढुवा वा पदस्थापनको जिम्मेवारी मुख्यमन्त्री कार्यालयको हुने प्रदेशका आन्तरिक मामिला तथा कानूनमन्त्री हिक्मतकुमार कार्कीले जानकारी दिए।