काठमाडौं ।

प्रदेश २ का मुख्यमन्त्री, मन्त्री र राज्यमन्त्रीहरुले बाढी पीडितहरुलाई एक महिनाको तलव दिने भएका छन् ।

प्रदेश मन्त्रिपरिषदको बैठकले बाढी पीडितलाई एक महिनाको तलव दिने निर्णय गरेको छ । प्रदेश २ मा मुख्यमन्त्रीसहित ६ जना मन्त्री र ६ जना राज्यमन्त्री रहेका छन् ।

बाढी पीडितलाई राहत कार्यमा कुनै कमी हुन नदिन प्रदेशका प्रमुख सचिव दीपक सुवेदीको संयोजकत्वमा अनुगमन समिति गठन गरिएको छ । समितिमा सबै मन्त्रालयका सचिव सदस्य रहनेछन् । मन्त्रिपरिषद्को बैठकले राहत, उद्धार तथा पुनःस्थापनालाई तीव्र बनाउने निर्णयसमेत गरेको छ ।