काठमाण्डौ : सुनको भाउ आज तोलामा चार सय रुपैयाँले घटेको छ ।

अस्ति तोलामा एक लाख ९ सय रुपैयाँ रहेको सुनको भाउ हप्ताको पहिलो दिन आज चार सय रुपैयाँले घटेर एक लाख ५ सय रुपैयाँमा झरेको नेपाल सुन चाँदी व्यवसायी महासङ्घले जनाएको छ ।

आज चाँदीको भाउ भने स्थिर छ । अस्ति जस्तै चाँदी आज तोलामा एक हजार ३ सय ६० रुपैयाँमा कारोबार भइरहेको छ।

डलर संचितिमा कम भएसँगै राष्ट्रबैंकले सुन आयात ठप्प पारेको छ । कच्चा पदार्थ अभावसँगै सुनको वैकल्पिक ब्यवस्था मिलाउन ब्यवसायीहरुले सरकारसँग आग्रह समेत गरिसकेका छन् ।