लिस्तीकोट दुगुनागढी माउण्ट ट्रेल रेस प्रतियोगिता सम्पन्न भएको छ । दोस्रो पटक आयोजना गरिएको यो रेसको उपाधि नेपाली सेनाका देवराज महतले जितेका छन् । २ घण्टा १४ मिनेट ३० सेकेण्डमा निर्धारित दुरी पार गरेर उनले खुल्लातर्फको उपाधि जितेका हुन् । उनले प्रथम भएवापत एक लाख दश हजार रुपैयाँ राशीको पुरस्कार प्राप्त गरे । १ सय १८ प्रतियोगिताले भाग लिएका थिए । प्रतियोगितामा सेनाकै श्रीकास राई द्धितीय भएका छन् । उनले ७५ हजार रुपैयाँ पुरस्कार प्राप्त गरेका छन् । सोलुखुम्वूका सुमन कलुङ्ग तृतीय भएका छन् । उनले ५५ हजार रुपैयाँ पाएका छन् । भीम बहादुर गुरुङ्ग,राजेन्द्र राई र यागदेव राई चतुर्थ,पाँचौ,छैठौं भएका छन् । त्यस्तै महिलातर्फ सिन्धुपाल्चोकी नितु तामाङ प्रथम हुन सफल भएकी हुन् । तामाङले ३ घण्टा १७ मिनेटमा निर्धारित दुरी पार गरि रु ६० हजार नगद पुरस्कार जितिन् । दोस्रो र तेस्रो क्रमश सिन्धुपाल्चोकै भगवती खत्री र दोलखाकी पासाडिकी शेर्पाले ३५ हजार र २० हजार पुरस्कार पाए ।
जिल्लातर्फ गणेशसिं ठकुरी, राहुल तामाङ र श्यामकुमार तामाङ क्रमश प्रथम, द्धितीय र तृतीय हुनु भएको छ । उनीहरुले क्रमश ः३० हजार २० हजार र १५ हजार पुरस्कार पाए । जिल्ला न्यायाधिस चन्द्रप्रकाश तिवारी, श्री नम्बर २६ का बाहिनीपति सहायक रथी ज्योतिन्द्र महत, प्रमुख जिल्ला अधिकारी वेदनिधि खनाल र भोटेकोसी गाउँपालिकाका अध्यक्ष राजकुमार पौडेलले पुरस्कार राशी प्रदान गर्नुभएको थियो । गाउँपालिकाका तर्फबाट अध्यक्ष राजकुमार पौडेलले नगद पुरस्कारका साथै मायाको चिनो पनि प्रदान गर्नुभयो ।