काठमाडौं : प्रधानमन्त्री तथा मन्त्रिपरिषद्को कार्यालयले संविधानप्रदत्त पूर्ण प्रेस स्वतन्त्रताप्रति सरकार दृढ रहेको जनाएको छ ।

नियमित पत्रकार सम्मेलनमार्फत कार्यालयका प्रवक्ता एवम् सहसचिव हेमराज अर्याल तथा प्रधानमन्त्रीकी प्रेस विज्ञ दीपा दाहालले सरकारका पछिल्ला कामकारबाही, निर्णय, विकास आयोजनाको प्रगति तथा समसामयिक विषयमा जानकारी गराएका छन् ।

प्रधानमन्त्रीकी प्रेस विज्ञ दाहालले सरकार प्रेस स्वतन्त्रताको पक्षमा पूर्ण प्रतिबद्ध रहेको बताइन् । पत्रकारमाथि धरपकड तथा समाचार कक्षमा प्रहरी पुगेको विषयलाई लिएर चर्को आलोचना हुँदै आएको छ ।

यसैबीच प्रधानमन्त्री तथा मन्त्रिपरिषद्को कार्यालयले प्रधानमन्त्री वालेन्द्र शाहको भारत भ्रमणको तयारी भइरहेको जानकारी दिएको छ ।

कार्यालयका प्रवक्ता अर्यालले आउँदो मङ्सिरमा हुन लागेको प्रधानमन्त्री शाहको भारत भ्रमणको तयारी तीव्र गतिमा अघि बढिरहेको जानकारी दिइन् ।

अर्यालले भ्रमणका क्रममा उठाउनुपर्ने विषयवस्तु र एजेन्डाबारे परराष्ट्र मन्त्रालय र सरोकारवाला निकायसँग आवश्यक समन्वय भइरहेको पनि बताइन् ।