बेलायतका राजा चार्ल्सका भाइ एन्ड्रू माउन्टब्याटन विन्ड्जरलाई प्रहरीले पक्राउ गरेको छ । सार्वजनिक पदमा रहँदा अनुचित व्यवहार गरेको आशङ्कामा प्रहरीले विन्ड्जरलाई पक्राउ गरेको बीबीसीले जनाएको छ ।

बेलायती प्रहरीले ६० देखि ७० वर्ष उमेरका एक पुरुष पक्राउ परेको भने पनि राजा चाल्र्सका भाइ पक्राउ परेकोबारे आधिकारिक जानकारी दिएको छैन । निर्देशिका बमोजिम पक्राउ परेका व्यक्तिको नाम सार्वजनिक नगर्ने भन्दै प्रहरीले उपयुक्त समयमा यस विषयमा थप विवरण उपलब्ध गराउने बताएको छ ।

केही दिनअघि थेम्स भ्याली प्रहरीले पूर्वराजकुमार एन्ड्रूले यौनअपराधी जेफ्री एप्स्टीनसँग केही गोप्य कागजातहरू सङ्कलन गरेको उजुरीबारे अनुसन्धान सुरु गरेको बताएको थियो । आजै ६६ वर्ष पूरा गरेका एन्ड्रूले यो आरोप अस्वीकार गर्दै आएका छन् ।