काठमाडौं : फिफा महिला विश्वकप फुटबल २०२३ मा अस्ट्रेलियाले विजयी सुरुवात गरेको छ ।

आज बिहीवार घरेलु मैदान सिड्नीमा रहेको स्टेडियम अस्ट्रेलियामा भएको खेलमा अस्ट्रेलियाले आयरल्यान्डलाई १–० गोलले हरायो । अस्ट्रेलियाका लागि स्टेफेन क्याटलीले खेलको ५२ औँ मिनेटमा पेनाल्टीमार्फत गोल गरिन् । यो जितसँगै समूह ‘बी’ मा रहेको अस्ट्रेलियाले ३ अङ्क जोडेको छ ।

यसअघि आजै भएको अर्को खेलमा न्युजिल्यान्डले नर्वेलाई १–० गोलले हराएको छ । न्युजिल्यान्डका लागि खेलको ४८ औँ मिनेटमा हाना विलकिनसनले गोल गरिन् ।

आउँदो अगस्ट २० तारिखसम्म हुने विश्वकपमा ३२ टोलीको सहभागिता रहेको छ । सहभागी टोलीलाई ८ समूहमा विभाजन गरिएको छ । हरेक समूहका शीर्ष दुई टोली प्रि–क्वाटरफाइनलमा पुग्नेछन् । फाइनल खेल सिड्नीमा रहेको स्टेडियम अस्ट्रेलियामा हुनेछ ।