काठमाडौं । कतारमा जारी फिफा विश्वकपको क्वाटरफाइनलको समीकरण पुरा भएको छ। गएराति मोरक्कोले स्पेनलाई पेनाल्टी सुटआउटमा हराएसँगै र पोर्चुगलले स्वीट्जरल्याण्डमाथि ६–१ गोलको फराकिलो जित निकालेसँगै विश्वकपको क्वाटरफाइनलको समीकरण पुरा भएको हो।

यससँगै अव क्वाटरफाइनलको पहिलो खेलमा ब्राजिलले क्रोएसियासँग खेल्नेछ भने दोस्रो खेलमा नेदरल्याण्ड्स र अर्जेन्टिना खेल्नेछन्। त्यस्तै तेस्रो खेलमा मोरोक्को र पोर्चुगल भिड्दा चौथो खेलमा इङ्ग्ल्याण्ड र फ्रान्स आमनेसामने हुनेछन्।

अन्तिम १६ मा ब्राजिल दक्षिण कोरियामाथि ४–१ गोलको जित निकाल्दै क्वाटरफाइनल प्रवेश गर्न सफल भएको थियो भने क्रोएसिया जापानलाई पेनाल्टी सुटआउटमा हराउन सफल भएको थियो। त्यस्तै नेदरल्याण्ड्सले युएसएलाई ३–१ गोलअन्तरले हराउँदा अर्जेन्टिनाले अस्ट्रेलियालाई २–१ गोलअन्तरले हराएको थियो। त्यस्तै इङ्ग्ल्याण्डले सेनेगललाई ३–०, फ्रान्सले पोल्याण्डलाई ३–१ तथा पोर्चुगलले स्वीट्जरल्याण्डलाई ६–१ गोलअन्तरले हराउँदा मोरोक्कोले स्पेनलाई पेनाल्टी सुटआउटमा हराएको थियो।