-
भारत र पाकिस्तानबीच हुने टी–२० विश्व कप क्रिकेटको सबै टिकट बिक्री भइसकेको छ ।
समाचार एजेन्सी पीटीआईका अनुसार आउँदो अक्टोबर २३ तारिखमा अस्ट्रेलियामा हुने यस खेलका लागि सबै टिकटका साथै अतिरिक्त कक्षको टिकट केही मिनेटमै बिक्री भएको आईसीसीले जनाएको छ ।
आईसीसीले खेल सुरु हुनुभन्दा अघि एक आधिकारिक रिसेल प्लेटफर्म लन्च गर्ने र त्यहाँ समर्थकले टिकट एकअर्कालाई दिन सक्ने बताएको छ ।
आईसीसीका अनुसार अक्टोबर १६ देखि अस्ट्रेलियामा सुरु हुने टी–२० विश्व कपका लागि अहिलेसम्म पाँच लाखभन्दा धेरै टिकट बिक्री भइसकेको छ ।
आईसीसीले भनेको छ, ‘८२ देशमा क्रिकेटका प्रशंसकले विश्वका १६ वटा टिमका उत्कृष्ट खेलाडीलाई हेर्नका लागि टिकट किनेका छन् । महिला टी–२० विश्व कप २०२० पछि पहिलो पटक आईसीसीको प्रतियोगितामा स्टेडियममा पूर्णरूपमा भरिनेछन् ।’
