काठमाण्डौ : झापाको हल्दिबारी गाउँपालिकाको अध्यक्ष र उपाध्यक्षमा राष्ट्रिय प्रजातन्त्र पार्टी विजयी भएको छ ।

अध्यक्षमा रवीन्द्र लिङ्देन र उपाध्यक्षमा लक्ष्मी मैनाली निर्वाचित भएका हुन् । लिङ्देनले ६ हजार ८५६ मत प्राप्त गरे ।

उनका निकटतम प्रतिस्पर्धी नेकपा एमालेका डम्बर गिरीले चार हजार ६६६ मत ल्याए । उपाध्यक्षमा राप्रपा उम्मेदवार मैनालीले पाँच हजार ७८ मत ल्याए । निकटतम प्रतिस्पर्धी नेकपा एमालेकी शान्तादेवि गौतमले चार हजार १०६ मत ल्याइन् ।

हल्दीबारी राप्रपाका अध्यक्ष राजेन्द्र लिङ्देनको गृहपालिका पनि हो । योसँगै राप्रपाले दुई वटा पालिका जितेको छ । काठमाण्डौको शङ्खरापुर नगरपालिकाको मेयरमा राप्रपा उम्मेदवार रमेश नापित निर्वाचित भएका छन् ।