काठमाडौं । स्थानीय बजारमा आज सुनको मूल्य पुनः उकालो लागेको छ । अघिल्लो साता लगातार ओरालो लागेको सुनको मूल्य आज साताको पहिलो दिन नै तोलामा ५०० ले वृद्धि भएको छ ।

मूल्य उकालो लाग्ने क्रममा आज तोलामा ८५ हजार ६०० मूल्य निर्धारण भएको छ । शुक्रबार तोलामा ८५ हजार १०० मा कारोवार भएको नेपाल सुनचाँदी व्यवसायी महासङ्घले जनाएको छ । त्यस्तै चाँदीको मूल्य भने आज स्थिर छ । चाँदी तोलामा एक हजार २५० मा कारोवार हुनेछ ।