काठमाडौं । स्थानीय बजारमा सुनको मूल्य पुनः ओरालो लागेको छ । आज सुनको मूल्य प्रतितोला ७ सयले ओरालो लागेको छ ।

यही मङ्सिर १ गतेदेखि लगातार ओरालो लागेको सुन आजसम्म आइपुग्दा ५ हजार १ सयले घटेको नेपाल सुनचाँदी व्यवसायी महासङ्घले जनाएको छ । आज सुन प्रतितोला ९० हजारमा कारोवार भएको छ । आइतबार प्रतितोला ९० हजार ७ सयमा कारोवार भएको थियो ।

यस्तै चाँदीसमेत आज प्रतितोला ३० ले घटेको छ । आइतबार प्रतितोला १ हजार १ सय ५० मा कारोवार भएको चाँदी आज प्रतितोला १ हजार १ सय २० मा खरीदबिक्री भएको छ ।