काठमाडौं । नेपाली बजारमा आज सुनको मूल्यमा भारी गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला ६ हजार २ सयले घटेर ९५ हजार ४ सय कायम भएको छ ।

मङ्गलबार पनि ८ सयले घटेर प्रतितोला एक लाख एक हजार ६ सय कायम भएको थियो । त्यस्तै चाँदीको मूल्य पनि अघिल्लो दिनको तुलनामा प्रतितोला २२५ ले घटेर आज एक हजार २ सय १० निर्धारण भएको छ ।

अन्तरराष्ट्रिय बजारमै सुनको मूल्यमा गिरावट आएको छ । प्रतिऔँस दुई हजार डलर नाघेको सुनको मूल्य आज विश्वबजारमा प्रतिऔँस एक हजार ८९०.५५ डलरमा झरेको छ । अन्तरराष्ट्रिय बजारमै सुनको मूल्य घटेकाले पनि त्यसको असर नेपालमा समेत देखिएको महासंघले बताएको छ।