काठमाडौं । प्रत्येक वर्षझैं यस वर्ष पनि साउने सोमबारमा आज बिहानैदेखि भक्तजनहरू पशुपति मन्दिर परिसर पुगेका थिए । कोभिड– १९ को संक्रमण नियन्त्रण तथा रोकथामका लागि लकडाउन जारी रहेसँगै यस वर्ष साउनको पहिलो सोमबार दर्शनार्थीका लागि पशुपति मन्दिर खुलेन । सरकारले धेरै भीडभाड हुने मन्दिर, विद्यालय तथा अन्य जमझट हुने स्थानका कार्यक्रमहरु बन्द गरेको छ । त्यसैले भक्तजनहरू पशुपति मन्दिर परिसर पुगेर पनि बाहिरबाटै दर्शन गरेर फर्किन बाध्य भएका हुन् ।

साउने सोमबार शिवको आरधना गर्दै हिन्दु नारीहरू व्रत बस्ने चलन भएसँगै ब्रतालुहरू सोमबार पशुपतिमा पूजा गर्न जाने चलन छ तर गत चैत ११ गतेदेखि सर्वसाधारणाका लागि पशुपति मन्दिर प्रवेश बन्द गरिएको छ । कोभिड– १९ महामारीका बीच मन्दिरभित्र गरिने नित्य पूजा चाहिँ जारी छ।

तस्विरः रासस