

-
काठमाडौँ । नेपालको ‘हस्पिटालिटी’ क्षेत्रमा कोरोना भाइरसको सङ्क्रमणको सम्भावित जोखिम न्यूनीकरणका लागि पूर्वसतर्कता अपनाइएको होटल एशोसिएशन अफ नेपाल (हान) ले जनाएको छ । कोरोना भाइरसको अन्तर्राष्ट्रियरूपमा प्रभाव रहेको भए पनि नेपाल सुरक्षित रहेको भन्दै हानले आज पत्रकार सम्मेलन गरी बजारमा हल्ला भएजस्तो पर्यटकले होटल बुकिङ रद्द नगरेको स्पष्ट पारेको छ । पछिल्लो समय चीनको वहानलगायत विभिन्न प्रान्तमा फैलिएको कोरोना भाइरसका कारण नेपालको होटल बुकिङ रद्द गरेको समाचार सार्वजनिक भइरहेको सन्दर्भमा हानले आफ्नो धारणा बाहिर ल्याएको हो ।
हानका अध्यक्ष सिर्जना राणाले कोरोना भाइरसको प्रभाव नेपालमा नरहेको बताउँदै त्यस्ता लक्षण देखिएमा उपचारका लागि सचेत रहेको बताउनुभयो । उहाँले नेपाल सुरक्षित रहेको र सम्भावित जोखिमका लागि पनि सचेत रहेकाले पर्यटन क्षेत्रमा केही असर परे पनि आत्तिनुपर्ने अवस्था नरहेको उल्लेख गर्नुभयो ।
पत्रकार सम्मेलनमा नेपाल भ्रमण वर्ष २०२० का राष्ट्रिय कार्यक्रम संयोजक सुरज वैद्यले कोरोना भाइरसले चीनको तत्कालीन बजारलाई केही असर परे पनि केही समयपछि अन्त्य हुने विश्वास लिएको बताउनुभयो । उहाँले चिनियाँ पर्यटकलाई बुद्धजयन्तीको अवसरमा नेपालमा ल्याउने वातावरण बनाउन नयाँ कार्यक्रम तय गरिएको जानकारी पनि दिनुभयो ।
हानका प्रथम उपाध्यक्ष विनायक शाहले नेपाल आउने पर्यटकको स्वास्थ्य परीक्षणलगायत पूर्वसतर्कताको काममा सदस्य होटललाई आग्रह गरिएको बताउनुभयो । बेलाबेलामा राष्ट्रिय तथा अन्तर्राष्ट्रिय जगत्मा देखा पर्ने विभिन्न किसिमका रोग तथा आपत्विपत्को सामना गरी पर्यटन व्यवसायी अगाडि बढिरहेको सन्दर्भमा आज पनि सोही प्रकृतिको अवस्थालाई सामना गरी अगाडि बढ्ने हानले जनाएको छ ।
‘नेपाल कोरोना भाइरसबाट अहिलेसम्म असुरक्षित नरहेको सरकारले प्रष्ट पारिसकेको छ । भ्रमण वर्ष सचिवालयले आधिकारिक सूचना जारी गरेको र हानले पनि आफ्ना सदस्य होटललाई कुनै पनि पाहुनालाई कोरोना भाइरसको पूर्वसावधानी अपनाउन र सङ्केत देख्ने बित्तिकै अस्पताल लैजान परिपपत्र गरिसकेका छौँ, हालसम्म कुनै पनि होटलमा कोरोना भाइरसको सङ्क्रमण नभएका स्पष्ट गर्न चाहन्छौँ’ विज्ञप्तिमा भनिएको छ ।
भ्रमण वर्ष सचिवालयसँगको सहकार्यमा कति पनि विचलित नभई छिमेकी मुलुक भारत, बङ्गलादेश, मध्यपूर्व, दक्षिण पूर्वी एशियालगायत अन्य विभिन्न मुलुकबाट पनि लक्ष्यअनुसारको पर्यटक भित्र्याउन लागि पर्ने जनाइएको छ । तत्कालै अन्य पर्यटन स्रोत बजारको पहिचान र प्रवद्र्धनका निम्ति सरकार, हवाई कम्पनीलगायत सबै सरोकारवालासँग छलफल गरी विशेष पर्यटन प्याकेजको तयारी गरिएको पनि संस्थाले जनाएको छ । रासस
News Desk 0 response मङ्लबार, माघ २१, २०७६

सम्बन्धित शीर्षकहरु
साढे ९ खर्ब रुपैयाँभन्दा धेरैको क्रिप्टो चोरीमा उत्तर कोरियाली ह्याकर संलग्न : एफबीआई
आइतवार, कार्तिक १६, २०८३-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
श्रीमतीको कुर्सीमा श्रीमान् !
शुक्रबार, मंसिर ५, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३


