चौतारा । सिन्धुपाल्चोकको चौतारा सागाचोकगढी नगरपालिका–७ सानुसिरुबारीमा यही पुस २६ देखि माघ १ गतेसम्म ३ नं प्रदेशस्तरीय पुरुष भलिबल प्रतियोगिता गरिने भएको छ ।

सिन्धुको आन्तरिक तथा बाह्य पर्यटन प्रवद्र्धनमा टेवा पुर्याउनका साथै नेपाल भ्रमण वर्ष २०२० लाई सफल तुल्याउने उद्देश्यले प्रदेशस्तरीय प्रथम भदौरे गणेश कप भलिबल प्रतियोगिता गरिन लागिएको हो । प्रतियोगितामा प्रदेशका १३ जिल्लाका टोलीले भाग लिनेछन् ।

प्रतियोगितामा प्रथम हुने टोलीलाई रु दुई लाख दुई हजार २० र द्वितीय हुने टोलीलाई रु एक लाख एक हजार १०, कप तथा मेडल प्रदान गरिने आयोजक भदौरे गणेश सामाजिक संस्थाका अध्यक्ष रविन गौतमले जानकारी दिनुभयो । रासस