काठमाडौं ।
सरकारका योजनामा बैंकका कर्मचारीले चासो नदेखाईएको पाईएको छ । त्यसोत

तामझामपूर्ण प्रचारका बीच सुरु गरेको सामाजिक सुरक्षा कोष योजनाले श्रमिक र रोजगारदातालाई भने आकषिर्त गर्न सकेको छैन । जसका कारण संगठित क्षेत्रका ९ लाख रोजगारदातामध्ये १२ हजार मात्रै कोषमा आबद्ध भएका छन् । यी संस्थाका जम्मा १ लाख ३३ हजार कर्मचारी योजनामा सूचीकृत छन् । रोजगारदाताको अरुचिका बीच नियामक निकाय नै सम्बन्धित संस्थाहरुलाई कोषमा जान निर्देशन दिादै छन् । नेपाल राष्ट्र बैंकले पनि बैंक तथा वित्त कम्पनीलाई निर्देशन दिएको साता बितिसकेको छ । तर बैंकका कर्मचारी भने खाईपाई आएको सुविधा कटौती हुनुका साथै बढी योगदान गर्ने र कम योगदान गर्नेले समेत एकै खालको सुविधा पाउने भन्दै विपक्षमा उभिएका छन् । कर्मचारीका अनुसार, उनीहरु अहिले तलबमा करिब ३६ प्रतिशत कर तिर्छन् । पछि सामाजिक सुरक्षा कोषबाट पेन्सन थाप्दा थप १५ प्रतिशत तिर्नुपर्ने भए दोहोरो मार पर्ने उनीहरुको भनाइ छ । साथै कोषमा जम्मा गरेको रकम नै गुम्ने जोखिम पनि उनीहरुले देखेका छन् । यी गुनासो सम्बोधन गर्न केही व्यवस्था हेरफेर गर्न तयार रहेको कोषको भनाइ छ । ६ वटा बैंकहरु भने यस योजनामा सामेल भइसकेका छन् । तर कोषले सबै क्षेत्रका श्रमिक र रोजगारदातालाई समेट्ने आकर्षक योजना ल्याउन नसकेको प्रष्ट छ । त्यसैले आशंका मेट्न र अव्यावहारिक व्यवस्थालाई संशोधन गर्न ढिलाइ गर्नुहुँदैन ।