काठमाडौं ।

इङ्ल्यान्डले वान डे विश्वकप क्रिकेट प्रतियोगिताको उपाधि हात पारेको छ । आयोजक इङ्ल्यान्डले लर्डस स्टेडियममा न्युजिल्यान्डको उपाधि जित्ने सपनामा धक्का दियो । निर्धारित ५० ओभरको खेल बराबरी भएपछि सुपर ओभरमा पुगेर इङ्ल्यान्डले उपाधि उचालेको हो। सुपर ओभरमा इङल्यान्डले १५ रन बनाउन सफल भयो। उसका लागि जोस बटलर र बेन स्टोक्सले सुपर ओभरमा ब्याटिङ गरेका थिए। सुपर ओभरमा ब्याटिङमा पुगेका मार्टिन गुप्तिल एक बलमा २ रन चाहिएको अवस्थमा रनआउट हुन पुगेपछि उपाधि न्युजिल्यान्डको हातबाट फुत्केको हो।