काठमाडौं ।

राष्ट्रिय खेलकुद परिषद् (राखेप)मा सदस्य सचिव रमेश सिलवाल नियुक्त भएका छन् । १३ औं दक्षिण एसियाली खेलकुद तोकिएकै समयमा सम्पन्न गर्ने उनको चुनौती छ । सोही चुनौती स्वीकार गरेर आफू नेतृत्वमा आएको उनले बताएका छन् ।

राखेप अध्यक्ष तथा युवा तथा खेलकुदमन्त्री जगतबहादुर विश्वकर्माले सोमबार सिलवाललाई राखेप सदस्य सचिव नियुक्त गरेका थिए । उनले सोमबार नै सपथ ग्रहण गरेका छन् ।

सागका लागि चार महिना बाँकी रहेको र त्यसमध्ये दुई महिना वर्षायाम रहेको भन्दै उनले क्यालेन्डर बनाएर काम गर्ने बताए ।
तयारी नपुगेपछि सागको मिति तीन पटक सरिसकेको छ । चौथो पटक तोकिएको मिति आउन अब चार महिना मात्र बाँकी छ । त्यस्तो अवस्थामा राखेप सदस्य सचिव नियुक्त भएका सिलवालले चार महिनाभित्र साग गर्ने चुनौती स्वीकार गरेर आफूले जिम्मेवारी लिएको बताए ।