काठमाडौं ।

आईसीसी टी २० बिश्वकपको एसिया छनौटका लागि टिम घोषणा भएको छ । सिंगापुरमा हुने प्रतियोगिताका लागि आश्यक खेलाडी छनोट गरिएको मुख्यप्रशिक्षक उमेश पट्वालले बताए ।

पारस खड्काको कप्तानीमा घोषणा गरिएको टिममा ज्ञानेन्द्र मल्ल, बसन्त रेग्मी, विनोद भण्डारी, अभिनास बोहरा, दीपेन्द्रसिंह ऐरी, करण केसी, ललितनारायण राजवंशी, पवन सर्राफ, प्रदिप ऐरी, सन्दीप लामिछाने, रोहितकुमार पौडेल र सोमपाल कामी शरद भेषवाकर छन् ।
एक वर्षयता राष्ट्रिय टिमबाट खेल्दै आएका आरिफ वैकल्पिक खेलाडीका रुपमा छन् । जीतेन्द्र मुखिया, कुशल भुर्तेल, शुसान भारी र सन्दीप जोरा पनि १४ जनाभित्र पर्न सकेनन् । साउन ६ गतेदेखि १२ गतेसम्म सिंगापुरमा हुने छनोट प्रतियोगितामा नेपाल, आयोजक सिंगापुर, कुवेत, मलेसिया र कतारले प्रतिस्पर्धा गर्नेछन् ।