काठमाडौं ।

ठूला करदाता कार्यालयले एनसेल प्रालि बिक्रीमा लाग्ने पुँजीगत लाभकर निर्धारण गरेको छ । कार्यालयले जारी गरेको विज्ञप्तिमा ६२ अर्ब ६३ करोड ४९ लाख ७५ हजार ५६६ रुपैयाँ कर निर्धारण गरेको हो । एनसेलले यसअघि नै २३ अर्ब ५७ करोड ४२ लाख ९० हजार ७५१ रुपैयाँ कर बुझाइसकेको छ । दाखिला गरेको तथा विलम्ब शुल्क २३ अर्ब ५७ करोड ४२ लाख ९० हजार ७५१ रहेको छ ।

ठूला करदाता कार्यालयले जारी गरेको विज्ञप्तिमा एनसेललाई अब सात दिनभित्र कर बुझाउन भनिएको छ । एनसेलले अब ३९ अर्ब ६ करोड ६ लाख ८४ हजार ८१५ रुपैयाँ कर बुझाउनुपर्ने हुन्छ ।