काठमाडौं ।

आठौँ राष्ट्रिय खेलकुद प्रतियोगिताको औपचारिक उद्घाटन राष्ट्रपति विद्यादेवी भण्डारीले गर्ने तय भएको छ ।

भीआईपी प्यारापिटको निमार्ण कार्य समयमै सम्पन्न नहुने भएपछि उद्घाटन अघि नै खेल सञ्‍चालन गरेको राष्ट्रिय खेलकुद परिषद जोडतोडका साथ रंगशालामा निर्माणमा केन्द्रित छ । उद्घाटनका लागि एक दिनमात्र बाँकी रहँदासम्म पनि भीआइपी प्याराफिटको कार्य सम्पन्न भएको छैन् ।

मंगलबारसम्म भीआइपीतर्फको छाना हाल्ने काम सकिए पनि सिट बिछ‍्याउने काम सकिएको छैन् । समय भइसक्दा पनि पूर्वाधार निर्माणको काम अधुरै छ ।

आठौं राष्ट्रिय खेलकुदको पूर्वाधार निर्माण लागि सरकारले नेपालगञ्जमा मात्र करिब एक अर्बको लगानीमा भौतिक संरचनाको निर्माण गरेको छ । नेपालगञ्ज रंगशाला निर्माण गर्न लागेको भीआईपी प्यारापिट आठौं राष्ट्रिय खेलकुदको सबभन्दा ठूलो योजना हो । आठौंको चर्चा नेपालगञ्‍जले जति पाएको छ । त्यो भन्दा बढी भीआईपी प्यारापिटको निर्माणको छ ।