काठमाडौं ।

बिभिन्न निकायमा उल्लेख्य काम गरेको भन्दै बैशाख १ गते राष्ट्रपति बाट बिभुषण बितरण हुँदैछ । यो बिभुषण पाउनेमा घुससहित पक्राउ परेका कर्मचारीसमेत छन् ।
जिल्ला प्रशासन कार्यालय भक्तपुरका प्रशासकीय अधिकृत कैलाश मातक्षे श्रेष्ठ २ फागुनमा २५ हजार घुससहित पक्राउ परेका थिए । उनी गृह मन्त्रालयले दिने प्रबल जनसेवाश्री विभूषण पाउने सूचीमा छन् । अख्तियार दुरुपयोग अनुसन्धान आयोगले उनीविरुद्ध मुद्दासमेत दायर गरिसकेको छ । लेनदेनको मुद्दा मिलाइदिने भन्दै उनले घुस लिएका थिए । हजारौँ अधिकृतमध्ये उत्कृष्ट भन्दै गृह मन्त्रालयले उनलाई छनोट गरेको थियो । यो समाचार नयाँ पत्रिकामा प्रकाशित छ