34

  • काठमाडौं ।

    मध्यभोटेकोशी जलबिद्युत आयोजनाको काम अत्यन्त सुस्त भएपछि यहाँका स्थानीय तहका जनप्रतिनिधिले काम छिटो सक्न दवाव दिएका छन् । भोटेकोशी गाउँपालिका र बाह्रबीसे नगरपालिकामा निर्माण भईरहेको १०२ मेघावाटको मध्यभोटेकोशी जलबिद्युत आयोजना सन् २०१३ मा सुरु भएको थियो । ०१६ मा सम्पन्न गर्ने लक्ष्य लिईएको यो आयोजनाको काम अहिलेसम्म पचास प्रतिशत पनि सम्पन्न भएको छैन । स्थानीय जनताको शेयर पनि रहेको यो आयोजना सम्पन्न ढिलाई हुँदा यहाँका वासिन्दालाई मर्का परेका कारण गाउँपालिकाको ध्यानाकर्षण भएको भोटोकोशी गाउँपालिकाका अध्यक्ष राजकुमार पौडेलले बताए । उनले बिज्ञप्तिनै जारी गरेर जनताको सम्पत्तिले निर्माण हुने यस्ता आयोजना बन्न ढिलो हुँदा स्थानीयवासीको लगानीनै जोखिममा परेको बताएका छन् । काम सम्पन्न गर्नका लागि गाउँपालिकाले कुनै कसर बाँकी नराख्दा पनि आयोजना पक्षले बिभिन्न वहान गरेर काम ढिलाई गरेको उनको भनाई छ ।
    सुरुमा साढे १३ अरव रुपैयाँमा सम्पन्न गर्ने योजना रहेको यो आयोजनाको लागत अहिले २० अरव भन्दा माथि पुग्ने अनुमान गरिएको छ । यही गतीमा काम हुने हो आयोजनाको भविष्यनै अन्यौलमा परेको पौडेलको भनाई छ ।

tt
45