काठमाडौं। स्ट्याण्डर्ड चार्टर्ड बैंकले चालु आर्थिक वर्षको तीन महिनामा २४.०५ प्रतिशतले नाफा बढाएको छ। बैंकले पहिलो तीन महिनामा ५८ करोड ४५ लाख रुपैयाँ नाफा गरेको छ भने अघिल्लो वर्षको यही अवधिमा नाफा ४७ करोड १२ लाख रुपैयाँ थियो।

बैंकले खुद व्याज आम्दानी १२.२० प्रतिशतले बढाएर ८४ करोड २३ लाख रुपैयाँ आर्जन गरेको छ। त्यस्तै बैंकले विभिन्न शुल्क तथा कमिसनबाट खुद आम्दानी ७८ प्रतिशतले बढाएर २१ करोड रुपैयाँ आर्जन गरेको छ।

निक्षेप ८ प्रतिशतले घटेको छ भने ऋण लगानी १४ प्रतिशतले बढेको छ। तीन महिनाको अवधिमा बैंकले ६५ अर्ब ४७ करोड रुपैयाँ निक्षेप संकलन गरि ४८ अर्ब ३६ करोड रुपैयाँ ऋण लगानी गरेको छ। पूँजी तथा कोष बढे पनि ऋण लगानी र निक्षेप संकलनमा उल्लेख्या सुधार नहुँदा बैंकको पूँजी कोष अनुपात २३.४४ प्रतिशत छ।