काठमाडौं ।

लुम्विनी विकास बैंक लिमिटेडले ४० करोड १७ लाख मुनाफा आर्जन गरेको छ । बैंकसँग २२ अर्ब १८ करोड निक्षेप तथा १८ अर्ब ३८ करोड ऋण लगानी छ। बैंकले १०औं वार्षिक साधारण सभा सम्पन्न गर्दै यस वारे जानकारी दिएको हो ।
साधारण सभाले आगामी कार्यकालको लागि संस्थापक समूहबाट सुशिलराज पराजूली, चिन्तामणि भट्टराई र रुप ज्योति तथा सर्वसाधारणको तर्फबाट प्रविणकृष्ण श्रेष्ठ, रामचन्द्र सिग्देल र प्रतापकूमार आचार्यलाई सर्वसम्मत रुपमा सञ्चालकमा चयन गरेको बैंकले जारी गरेको बिज्ञप्तिमा जनाईएको छ ।

लुम्विनीका ६५ शाखा छन्। बैंकका १२ एटिएम छन्। बैंकको चुक्ता पूँजी २ अर्ब १७ करोड तथा जगेडा कोषमा एक अर्ब १४ करोड रुपैयाँ छ।