काठमाडौं ।

प्रधानमन्त्री केपी ओलीले सरकार व्यावसायीको सुरक्षामा गम्भिर रहेको बताएका छन् । उनले व्यावसायी मात्र हैन हरेक नागरिकले सुरक्षाको चिन्ता लिनु नपर्ने दिन आउने वताए । सुनचाँदी व्यावसायी महासँघको पाँचौ साधारणसभालाई सम्बोधन गर्दै प्रधानमन्त्री ओलीले सुनचाँदीका क्षेत्रमा काम गर्ने ब्यवसायीलाई सही काम गर्नमात्र अनुरोध गरे । सही काम गर्दा आउने समस्यालाई सरकारले सल्टाउने ओलीको भनाई छ ।
नेपालको सिमा भित्र हुने कोही कसैले पनि अब सुरक्षाको चिन्ता लिनु नपर्ने गरी सुरक्षाका काम हुने ओलीको दावी छ । सरकार गैह्र कानुनी,हिंसात्मक र अपराधपूर्ण कृयाकलापलाई नसहने कारण पनि अव नयाँ ढंगले अघि बढ्ने ओलीले बिश्वास दिलाए ।
प्रधानमन्त्री ओलीले अबको नेपालमा अबैधानिक काम,तस्करी जस्ता कुराहरु बर्जित हुने ठोकुवा गरे । प्रधानमन्त्री केपी शर्मा ओलीले आफ्नो भारत भ्रमण नेपालको हितमा भएको बताए ।