निरन्तर घटेर ११३५ सम्म झरेको सेयरबजारमा ठूला लगानीकर्ता प्रवेश गर्न थालेपछि सेयर कारोबारमा उच्च सुधार देखिएको छ । साताको पहिलो दिन आइतबार ४४ अंकले बढेको छ भने धेरैपछि कारोबार रकम झण्डै ९२ करोड पुगेको छ ।
१७६ कम्पनी सामेल भएको आजको कारोबारमा हरियाली छाएको छ । सबैभन्दा बढी बिमा समुह ३५८.१ अंकले बढेको छ । यस्तै माइक्रोफाइनान्स समुह ८५.६६ अंकले बढेको छ । होटल समूह ८२ अंकले बढ्दा जलबिद्युत ७२ अंकले बढेको छ ।
सबैभन्दा बढी नबिल बैंकको ३ करोड १४ लाख बढीको कारोबार भएको छ । दोस्रोमा प्रभु इन्सुरेन्स २ करोड ६६ लाख रुपैयाँ र एभरेष्ट बैंकको २ करोड ४३ लाख रुपैयाँको कारोबार भएको छ ।