अमेरिकी राष्ट्रपति डोनाल्ड ट्रम्पको दुई दिने चीन भ्रमण सम्पन्न भएको छ । बेइजिङमा दुई दिनको बैठकपछि ट्रम्प आज वाशिङ्गटन प्रस्थान गरेका बीबीसीले जनाएको छ ।

ट्रम्पले चिनियाँ राष्ट्रपति सी जिनपिङसँगको आफ्नो वार्तालाई ‘अत्यन्त सफल, विश्वव्यापी रूपमा चर्चा भएको र अविस्मरणीय’ भनेर वर्णन गरेका छन् । चिनियाँ सरकारी सञ्चारमाध्यमका अनुसार सी जिनपिङले यो भ्रमणलाई ‘ऐतिहासिक र कोशेढुङ्गा’ बताएका छन् । यद्यपि दुई देशहरूबीच कुनै ठूलो व्यापार सम्झौता वा नयाँ सम्झौताको घोषणा भएको छैन ।

ट्रम्पले यात्राका क्रममा सञ्चारमाध्यमसँग कुरा गर्न सक्ने र बैठकको बारेमा थप विवरणहरू खुल्न सक्ने खबरमा उल्लेख छ । दुई नेताहरूबीच व्यापार, तेल आपूर्ति, इरान युद्ध र ताइवान जस्ता मुद्दाहरूमा छलफल भएको थियो ।

यसअघि ट्रम्पले फक्स न्युजसँगको अन्तर्वार्तामा सी जिनपिङले इरानलाई सैन्य उपकरण नदिने प्रतिबद्धता जनाएको दाबी गरेका थिए।

अमेरिकी राष्ट्रपतिका अनुसार चीनले हर्मुज जलमार्गलाई फेरि खोल्ने बताएको छ । उनका अनुसार चीनले अमेरिकाबाट तेल किन्न पनि सहमति जनाएको छ। यद्यपि अहिलेसम्म दुवै पक्षले वार्ताको नतिजा वा कुनै औपचारिक सम्झौताको बारेमा सीमित जानकारी मात्र साझा गरेका छन् ।