श्रीलङ्काको प्रहरीले साइबर अपराधविरुद्धको पछिल्लो कारबाहीमा २३१ जना विदेशी नागरिकलाई पक्राउ गरेको छ । पछिल्लो कारबाहीमा पर्नेहरूमा धेरैजसो चिनियाँ र भियतनामी नागरिक रहेका प्रहरीलाई उद्धृत गर्दै अन्तर्राष्ट्रिय समाचार संस्था एएफपीले जनाएको छ ।

अन्तर्राष्ट्रिय रूपमा अपराधको जालो फैलाई साइबर अपराध गर्दै आएको आपराधिक समूहले अनलाइन क्रिप्टोकरेन्सी घोटाला लगायतका माध्यमबाट वार्षिक अर्बौँ अमेरिकी डलर बराबरको हिनामिना गरेको खबरमा उल्लेख छ ।

अपराधमा संलग्न व्यक्तिहरू पर्यटन भिसामा श्रीलङ्कामा प्रवेश गरी आपराधिक कार्यमा संलग्न रहेका प्रहरी प्रवक्ता फ्रेडरिक वूटलरले बताउनुभएको छ ।

यस्तै साइबर क्यामेरा सञ्चालन गरेको आरोपमा एक महिनाअघि श्रीलङ्काकोएक होटलबाट धेरैजसो चिनियाँसहित १५२ जना विदेशी नागरिक पक्राउ परेका थिए ।

आप्रवासन अधिकारीहरूले गएको मार्चमा १३५ चिनियाँ नागरिकलाई यस्तै घोटालाको आरोपमा पक्राउ गरी निर्वासित गरिएको जनाएका छन् ।