काठमाडौं : राष्ट्रपति रामचन्द्र पौडेलले मन्त्रिपरिषद्को सिफारिशमा यही वैशाख १७ गतेका लागि आह्वान भएको सङ्घीय संसद्को दुवै सदनको अधिवेशन स्थगित गरेका छन्।

राष्ट्रपतिको कार्यालयका प्रवक्ता रितेशकुमार शाक्यले आज निकालेको विज्ञप्तिमा कारणवश राष्ट्रपतिले अधिवेशन स्थगत भएको बताएका छन् ।

सरकारको सिफारिशमा हिजो राष्ट्रपति पौडेलले १७ गते सङ्घीय संसद्को दुवै सदनको अधिवेशन आह्वान गरेका थिए । तर अधिवेशन रोक्न आज सरकारले राष्ट्रपति कार्यालयमा पत्र पठाएको थियो ।