

-
काठमाडौं : श्रम संस्कृति पार्टीबाट राजनीति सुरु गरेर समानुपातिक सूचीबाट सांसद बनेकी रुबीकुमारी ठाकुर अन्ततः प्रतिनिधि सभामा सबैभन्दा कम उमेरमा नै उपसभामुख बन्न सफल भएकी छन् ।
अहिलेसम्मको संसदीय अभ्यास हेर्दा, उनी नै कम उमेरमा उपसभामुख जस्तो पदमा नियुक्त भएकी हुन् ।
गत फागुन २१ मा सम्पन्न प्रतिनिधि सभा निर्वाचनमा एकल बहुमत ल्याएको राष्ट्रिय स्वतन्त्र पार्टीको सिफारीसमा र अन्य दलको समर्थनमा उनी उपसभामुखमा निर्विरोध निर्वाचति भएकी हुन् । २५ वर्षको कलिलो उमेरमा नै ठाकुरले उपसभामुखजस्तो महत्वपूर्ण जिम्मेवारी पाउनुले युवाले अवसर पाए गर्छन भन्ने उदाहरण समेत बनेकी छन् ।
को हुन उपसभामुख रुबी ठाकुर ?
धनुषा जिल्लाको जनकपुरधाम–१४ मा जन्मिएकी रुबी सामान्य परिवारबाट आएकी हुन् । उनको बाल्यकाल अभाव र संघर्षमै बित्यो । बुबा वैदेशिक रोजगारीमा हजामको काम गर्थे भने आमा इँटाभट्टामा मजदुरी गरेर परिवार चलाउँथिन् । ठूलो परिवार, सीमित आम्दानी र दैनिक संघर्षका बीच हुर्किएकी रुबीले पढाइलाई आफ्नो मुख्य आधार बनाइन् । कठिन परिस्थितिकाबीच उनले सिभिल इन्जिनियरिङ अध्ययन पूरा गरिन्, जुन आफैंमा ठूलो उपलब्धि थियो ।
रुबीको राजनीति यात्रा भने निकै फरक ढंगले सुरु भयो । उनी लामो समयदेखि सक्रिय राजनीतिक कार्यकर्ता होइनन् । श्रम संस्कृति पार्टीले उनलाई समानुपातिक तर्फको बन्दसूचीमा समावेश गरेपछि मात्र उनको औपचारिक राजनीतिक प्रवेश भयो । प्रतिनिधिसभा निर्वाचनमा उक्त पार्टीले पाएको मतका आधारमा उनी समानुपातिक प्रणालीबाट सांसद निर्वाचित भइन् । प्रत्यक्ष निर्वाचन लडेर होइन, तर पार्टीको सूचीमार्फत संसदमा प्रवेश गरेकी उनी नयाँ पुस्ताको प्रतिनिधिका रूपमा हेरिन्छिन् ।
दलहरूको समर्थन, विशेषगरी नयाँ र परिवर्तनको पक्षमा उभिएका शक्तिहरूको साथ पाएपछि उनको उम्मेदवारी बलियो बन्यो । कम उमेर, स्वच्छ छवि र संघर्षशील पृष्ठभूमिले उनलाई अन्य उम्मेदवारभन्दा फरक बनायो । यही कारणले उनी उपसभामुख पदका लागि बलियो दाबेदारका रूपमा स्थापित भइन् ।
रुबी ठाकुरको उदय केवल व्यक्तिगत सफलताको कथा मात्र होइन, यो नेपाली समाजको परिवर्तनशील स्वरूपको संकेत पनि हो । गरिबी र अभावका बीचबाट उठेर राष्ट्रिय नेतृत्वको तहसम्म पुग्न सकिन्छ भन्ने उदाहरण उनले प्रस्तुत गरेकी छन् । परम्परागत राजनीतिक पृष्ठभूमिबाट बाहिर रहेर पनि अवसर पाएमा नयाँ पुस्ताले नेतृत्व गर्न सक्छ भन्ने सन्देश उनको यात्राले दिएको छ ।
आज रुबी ठाकुरको नाम केवल एक सांसद वा सम्भावित उपसभामुखका रूपमा मात्र होइन, संघर्ष, आशा र नयाँ सम्भावनाको प्रतीकका रूपमा पनि चर्चामा छिन् ।
News Desk 0 response शुक्रबार, चैत्र २७, २०८२

सम्बन्धित शीर्षकहरु
-
जर्मनीमा फेरि २४ घण्टे हडताल घोषणा
आइतवार, मंसिर ७, २०८३ -
पूर्वमुख्यमन्त्री इन्द्र बानियाँविरुद्ध पक्राउ पुर्जी जारी
आइतवार, मंसिर ७, २०८३ -
प्रधानमन्त्री शाह नयाँ दिल्लीमा, राज्यमन्त्री जितिनद्वारा स्वागत
आइतवार, मंसिर ७, २०८३ -
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३
-
पूर्वमुख्यमन्त्री इन्द्र बानियाँविरुद्ध पक्राउ पुर्जी जारी
आइतवार, मंसिर ७, २०८३ -
प्रधानमन्त्री शाह नयाँ दिल्लीमा, राज्यमन्त्री जितिनद्वारा स्वागत
आइतवार, मंसिर ७, २०८३ -
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
श्रीमतीको कुर्सीमा श्रीमान् !
शुक्रबार, मंसिर ५, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३


