काठमाडौं : आजदेखि सोमवारसम्म मनसुन प्रणाली थप सक्रिय हुने भएको छ । मौसम पूर्वानुमान महाशाखाले आजदेखि मनसुन थप सक्रिय भएर कोशी, मधेश, बागमती, गण्डकी र लुम्बिनी प्रदेशका धेरै ठाउँमा बर्षाको सम्भावना रहेको जनाएको छ । वर्षासँगै देशका विभिन्न ठाउँमा बाढीको जोखिम समेत बढेको छ ।

बाढी पूर्वानुमान महाशाखाका अनुसार कोशी, नारायणी, बागमती, कर्णाली, महाकाली र यिनका सहायक नदीहरू तथा कन्काई, कमला, पूर्वी राप्ती, बबई र पश्चिम राप्ती नदीमा पानीको सतह बढ्दै जाने सम्भावना छ । यस्तै आज ताप्लेजुङ, सङ्खुवासभा, दोलखा, सिन्धुपाल्चोक, रसुवा, म्याग्दी, बागलुङ, मनाङ, गोरखा, लमजुङ, पाल्पा, सुर्खेत, बर्दिया र आसपासका जिल्ला भई वहने स–साना नदीको पनि बहाब बढ्न सक्ने महाशाखाले जनाएको छ ।

इलाम, झापा, रामेछाप, काभ्रेपलाञ्चोक, सोलुखुम्बु, खोटाङ, धादिङ, काठमाण्डौ, ललितपुर, भक्तपुर, चितवन, मकवानपुर, नवलपरासी पूर्व, नवलपरासी पश्चिम, कास्की, तनहुँ, स्याङ्जा, पर्वत, गुल्मी, रोल्पा, प्युठान, सल्यान, दैलेख, कालिकोट, बझाङ, दार्चुला, कञ्चनपुर र आसपासका जिल्लामा बाढीको जोखिम रहेको छ ।