-
भारतका उपराष्ट्रपति जगदीप धनखरले आफ्नो स्वास्थ्यलाई प्राथमिकता दिनुपर्ने भएको भएकोले डाक्टरको सल्लाहअनुसार पदबाट राजीनामा दिएका छन् ।
उनले यस निर्णयमार्फत व्यक्तिगत स्वास्थ्य र भलाइमा ध्यान केन्द्रित गर्ने उद्देश्य राखेका समाचार संस्था एएनआईले जनाएको छ ।
धनखरले आफ्नो राजीनामा पत्र राष्ट्रपति द्रौपदी मुर्मूलाई सम्बोधन गर्दै पठाएका हुन्, जसमा उनले स्वास्थ्यको हेरचाह र डाक्टरहरुको सल्लाहको पालना गर्दै तत्काल उपराष्ट्रपतिको पदबाट राजीनामा दिने निर्णय गरेको कुरा उल्लेख छ ।
उनले आफ्नो पत्रमा राष्ट्रपति र प्रधानमन्त्रीको साथसाथै मन्त्रीपरिषद्लाई पनि उनको कार्यकालमा दिएको अमूल्य समर्थनका लागि धन्यवाद दिएका छन् ।
उपराष्ट्रपतिको रूपमा धनखरले सन् २०२२ मा पदभार सम्हालेका थिए र उनको कार्यकाल सन् २०२५ सम्मको थियो, तर स्वास्थ्य कारणले उनले यो महत्त्वपूर्ण निर्णय लिनु परेको खबरमा उल्लेख छ ।
धनखरको राजीनामा पछि उपराष्ट्रपतिको पदका लागि नयाँ चुनाव हुनेछ । यस सम्बन्धी उपराष्ट्रपतिको सचिवालयले पनि जानकारी दिएको खबरमा भनिएको छ ।
