

-
नेपालसँग सीमा जोडिएको भारतको उत्तर प्रदेशको बहराइच जिल्लामा जङ्गली ब्वाँसोको आतङ्क बढेको छ । ब्वाँसोले गाउँ प्रवेश गरेर बालबालिकालाई आक्रमण गर्ने घटना निकै बढेपछि गाउँलेहरू चिन्तित भएका छन् ।
गएको अप्रिलयता मात्रै बहराइचमा नौ जना बालबालिकासहित १० जनालाई ब्वाँसोले मारेका छन् । पछिल्लो पटक गएको अगस्ट १७ तारिखमा चार वर्षकी सन्ध्यालाई ब्वाँसोले घरबाटै लगेर मारेका बीबीसीले जनाएको छ । आफ्नो माटोको गोठबाहिर सुतिरहेका बेला विद्युत् कटौती भएको र त्यसको दुई मिनेटमै ब्वाँसोले सन्ध्यालाई लगेको खबरमा उल्लेख छ ।
ब्वाँसोको आक्रमणमा परी ज्यान गुमाउनेमा एक वर्षका बालकदेखि ४५ वर्षका महिलासम्म रहेका छन् । कम्तीमा ३४ जना घाइते भएका छन् । धेरै घरमा तालासमेत नभएकाले बालबालिकालाई जोगाउनै मुस्किल भएको छ । पुरुषहरूले रातमा सडकमा गस्ती गर्ने गरेका छन् । सरकारले ब्वाँसो समात्नका लागि ठाउँठाउँमा जाली राखेको छ भने ड्रोन क्यामेराको पनि प्रयोग भएको छ । अहिलेसम्म तीन वटा ब्वाँसोलाई समातेर चिडियाखानामा सारिएको छ । बहराइचमा केही ब्वाँसो रेबिजबाट ग्रस्त भएकाले आक्रमण बढेको हुन सक्ने अनुमान छ ।
ब्वाँसोले मानिसलाई मार्नु निकै अनौठो मानिन्छ । उत्तर अमेरिकामा ७० हजार वटा ब्वाँसो हुँदा पनि पछिल्लो ५० वर्षमा मानिसलाई आक्रमण गरेका जम्मा दुई वटा मात्रै घटना भएका छन् ।
उत्तर प्रदेशमा ब्वाँसोको आक्रमणको अहिले चौथो लहर चलेको छ । यसअघि सन् १९८१–८२ मा ब्वाँसोले १३ जना बालबालिकाको ज्यान लिएको थियो । सन् १९९३ देखि १९९५ सम्म ८० जना बालबालिकामाथि आक्रमण भएको थियो । सबैभन्दा घातक घटना सन् १९९६ को आठ महिनामा भएको थियो, त्यति बेला ५० वटा गाउँमा कम्तीमा ७६ जना बालबालिकामाथि आक्रमण भएको थियो भने ३८ जनाको ज्यान गएको थियो । सरकारले त्यति बेला ११ वटा ब्वाँसो मारेको थियो ।
News Desk 0 response बिहिबार, भदौ २०, २०८१

सम्बन्धित शीर्षकहरु
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
श्रीमतीको कुर्सीमा श्रीमान् !
शुक्रबार, मंसिर ५, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३


