• काठमाडौं : परराष्ट्रमन्त्री डा. आरजु राणा देउवा पाँच दिने भारत भ्रमण सकेर आज स्वदेश फर्किएकी छिन् ।

    आज दिउँसो ४ बजे त्रिभुवन अन्तर्राष्ट्रिय विमानस्थलमा ओर्लिएलगत्तै उनले भारत भ्रमण सफल भएको बताइन् । पत्रकारसँगको कुराकानीमा मन्त्री राणाले भारतीय प्रधानमन्त्री नरेन्द्र मोदीलाई प्रधानमन्त्री केपी शर्मा ओलीका तर्फबाट नेपाल भ्रमणका लागि निम्तो पत्र हस्तान्तरण गरेको जानकारी दिइन् ।

    यस्तै भारतीय समकक्षी एस जयशंकरसँगको दुई पक्षीय भेटमा व्यापार, पारवहन, सीमा पूर्वाधार, पञ्चेश्वर परियोजनालगायका क्षेत्रमा कुराकानी भएको उनले बताइन् । मन्त्री राणा गएको आइतवार भारत भ्रमणमा गएकी थिइन् ।