• काठमाडौं ।

    बर्षाद्सँगै सडकमा आवात जावत गर्न निक्कै कठिन छ । त्यसमा पनि अरनिको राजमार्गको आसपासमा आउने बाढीपहिरोले धेरै समस्या पारेको छ ।

    यही समस्यालाई ध्यान दिदै भोटेकोशी गाउँपालिका वडा नम्वर दुईका काठमाडौंमा रहेका जनतालाई सामाजिक सुरक्षा भत्ता र परिचय पत्र नवीकरण गर्ने काम घरदैलोमा गर्न थालिएको छ ।

    भोटेकोशी गाउँपालिकाका केही स्थानमा वर्षाद्का बेला बसोवास गर्न समस्या भएका कारण स्थानीय जनता काठमाडौंमा बसिरहेका छन् ।

    उनीहरु मध्ये बृद्धबृद्धाका लागि प्राप्त हुने भत्ता लिन वडा कार्यलय पुग्न समस्या भएका कारण काठमाडौंमै आएर सुबिधा दिईएको वडा नम्वर दुईका अध्यक्ष कुमार श्रेष्ठले जानकारी दिए ।

    आफ्नो वडाका जनता बौद्ध तथा स्वयम्भू क्षेत्रमा धेरै बसोवास गर्ने भएका कारण यी क्षेत्रमा घुम्ती सेवा सञ्चालन गरेर सेवा दिईएको श्रेष्ठको भनाई छ ।