

-
अमेरिकाले चिनियाँ विद्युतीय गाडीसहित कैयौँ सामानमा चर्को कर लगाएको छ । चिनियाँ सस्तो सामानले व्यवसायी मर्कामा परेको भन्दै अमेरिकाले कैयौँ सामानमा कर बढाएको बेलायती सञ्चारमाध्यम गार्जियनले जनाएको छ । नयाँ शुल्कअनुसार चीनबाट आयात भएका विद्युतीय गाडीमा एक सय प्रतिशत कर लाग्नेछ ।
चिनियाँ विद्युतीय कार अमेरिकामा लोकप्रिय हुँदा अमेरिकामा उत्पादित कारको बजार खस्किएपछि २५ प्रतिशतबाट बढाएर शतप्रतिशत कर लगाइएको खबरमा उल्लेख छ । यस्तै लिथियम ब्याट्रीमा साढे सात प्रतिशतबाट बढाएर २५ प्रतिशत, सौर्य ऊर्जाका सामानमा २५ प्रतिशतबाट ५० प्रतिशत र विभिन्न चिप्समा २५ प्रतिशतबाट बढाएर ५० प्रतिशत कर लाग्ने अमेरिकी राष्ट्रपतिको कार्यालयले जनाएको छ ।
यस्तै स्टिल, आल्मुनियम र व्यक्तिगत सुरक्षा उपकरण पीपीईमा शून्यदेखि २५ प्रतिशतसम्म कर बढेको छ । चीनमा बनेका विद्युतीय कारसहितका अन्य सस्ता सामानले अमेरिकी ग्राहकको मन जित्दा एकातिर चीनियाँ सामान अमेरिकामा लोकप्रिय हुने र अर्कोतिर अर्बौँ डलर चीनमा पुग्ने भन्दै कर बढाइएको राष्ट्रपति कार्यालयलाई उद्धृत गर्दै खबरमा उल्लेख छ ।
चीनले आफ्नो आन्तरिक अर्थतन्त्रको कमजोरीलाई परिपूर्ति गर्न निर्यात बढाउने विकल्प खोजिरहेको बेलामा अमेरिकाले कर बढाउँदा चीनलाई समस्या पर्न सक्ने देखिएको छ । तर चीनसँगको व्यापार लडाइँका कारण सस्तो र रोजाइका सामान प्रयोग गर्न नपाएको भन्दै केही अमेरिकी उपभोक्ताले विरोध गरिसकेका छन् ।
आज बढाइएको कर ९० दिनपछि लागू हुनेछ । यो बीचमा चीनले पनि ‘जस्तालाई त्यस्तै’ भन्ने उखानजस्तै अमेरिकी सामानमा कर बढाउन सक्ने अनुमान रहेको खबरमा उल्लेख छ ।
News Desk 0 response मङ्लबार, जेष्ठ १, २०८१

सम्बन्धित शीर्षकहरु
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
श्रीमतीको कुर्सीमा श्रीमान् !
शुक्रबार, मंसिर ५, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३


