सिन्धुपाल्चोक ।

नेपाल सरकारका कानून न्याय तथा संसदीय मामिला मन्त्री शेरवहादुर तमाङले बिद्यालयको पहुँच भन्दा बाहिर कोहि पनि बालबालिका नरहुन भन्दै गाउँमै पुगेर असहाय र बिपन्न वालबच्चाको पढाईको ब्यवस्थापन गरेका छन् ।
आफ्नै निर्वाचन क्षेत्र सिन्धुपाल्चोक जिल्ला निर्बाचन क्षेत्र नं २ इन्द्रावती गाउँपालिका ११ मा रहेको श्री सेतिदेबी माध्यामिक बिद्यालयका आमा नभएका दुई विद्यार्थीलाई जिम्मा लिएका हुन् । त्यहाँ अध्ययनरत सन्चिता माझी, सुशील माझी र आर्थिक स्थिति कमजोर भई पठनपाठनमा समस्यामा परेकी विद्यार्थी प्रनिशा माझीलाई कक्षा १२ सम्म पढाउने जिम्मेवारी लिदै भर्ना गरिदिएका छन् ।
बिद्यालयमा पढ्न जाने केटाकेटीको संख्या कम भएको माझी बस्तिमा समस्या देखिएको शैक्षिक समस्या देखिएको थियो । यो समास्या समाधान गर्दै बिपन्न परिवारका बिद्यार्थीलाई मन्त्रीले गरेको सहयोग असाध्यै राम्रो सुरुवात भएको एमाले सिन्धुपाल्चोकका अध्यक्ष झम्क नेपालले वताए । कार्यक्रममा जिल्ला समन्वय सभापति कृष्णगोपाल तमाङ, वडा अध्यक्ष मने माझी इन्द्रावती श्रोत ब्यक्ती योगबहादुर थापा लगायतको सहभागीता रहेको थियो।