नेकपा सचिवालय बैंठकले निर्देशन दिएपछि सभामुख महराले राजीनामा दिए
महराले राजीनामा पत्रमा सोमबारदेखि आफ्नो चरित्रमा गम्भीर आरोप लागेका ती कुराको सत्यतथ्य छानविन नहुन्जेलसम्मका लागि पदबाट राजीनामा दिएको उल्लेख गरेका छन्। महराले दिएको राजीनामा सभामुख या प्रतिनिधि सभा सदस्य भन्ने खुलाइएको छैन। सत्तारुढ नेकपाले भने उनले सभामुख र प्रतिनिधिसभा सदस्य दुवै पदबाट राजीनमा दिनुपर्ने निर्णय लिएको थियो।
-
काठमाडौं ।
नेकपाको बालुवाटारमा बसेको बैठकले राजीनामाको निर्देशन दिएपछि सभामुख कृष्णबहादुर महराले राजीनामा दिएका छन् ।
छानविन प्रक्रिया नसकिएकासम्मका लागि उपसभामुख शिवमाया तुम्बाहाम्फेसमक्ष पदबाट राजीनामा दिएका हुन्।
महराले राजीनामा पत्रमा सोमबारदेखि आफ्नो चरित्रमा गम्भीर आरोप लागेका ती कुराको सत्यतथ्य छानविन नहुन्जेलसम्मका लागि पदबाट राजीनामा दिएको उल्लेख गरेका छन्। महराले दिएको राजीनामा सभामुख या प्रतिनिधि सभा सदस्य भन्ने खुलाइएको छैन। सत्तारुढ नेकपाले भने उनले सभामुख र प्रतिनिधिसभा सदस्य दुवै पदबाट राजीनमा दिनुपर्ने निर्णय लिएको थियो।
महरामाथि संसद् सचिवालयमै कार्यरत एक महिला कर्मचारीले यौन दुराचारको आरोप लगाएकी थिइन्।
यौन दुर्व्यवहार गरेको गम्भीर आरोप लगाएपछि महराले पदबाट राजीनामा दिएका हुन्। बालुवाटारमा भएको नेकपाका दुई अध्यक्ष केपी शर्मा ओली र पुष्पकमल दाहाल प्रचण्डबीचको छलफलमा पनि महरालाई पदबाट राजीनामा गर्न लगाउने निचोड निकालिएको थियो।
