काठमाडौं ।

अहिलेका अवस्थामा बाहिरको प्रहार भन्दा पनि प्रमुख दलका नेताकै व्यवहारका कारण गणतन्त्र गुम्मे खतरा आएको बिश्लेषण हुन थालेको छ ।

नेकपाका नेता तथा बिचारक घनश्याम भुषालले बिपी कोइरालाको १०६औँ जन्मजयन्तीका अवसरमा गान्धी अध्ययन तथा शान्ति केन्द्र, समता अध्ययन केन्द्रले आयोजना गरेको ‘लोकतन्त्रको चुनौती’ विषयको विचार गोष्ठीमा राजनीतिक नेताहरुमा नैतिक मूल्यमान्यता खडेरीमा परेको र सोच पुरानो नै भएकाले जनताले चाहेको आमूल परिवर्तन हुन नसकेकाले बताएका हुन् ।

भुसालले राजनीतिक दलको अकर्मन्यताका कारण प्रजातन्त्र गुम्ने खतरा रहेको बताए। उनले गणतन्त्र जोगाउन नेपाली काङ्ग्रेस र नेकपाबीच सहकार्य आवश्यक रहेकोमा जोड दिए।

भुसाालले देशको आर्थिक वृद्धि यो गतिले हासिल हुन नसक्ने भन्दै समाजवादबाट मात्रै नेपालको समृद्धि सम्भव रहेको उल्लेख गरे। संविधानको मूलभूत मुद्दा सङ्घीयता, धर्म निरपेक्षता, समानता, समाजवादमाथि प्रहार भइरहेको भन्दै भुसालले जनताको आकाङ्क्षाअनुसारको उपलब्धि हासिल गर्न नसक्दा सङ्घीयता गुम्ने खतरा औँल्याए।

गान्धी अध्ययन शान्ति केन्द्रका संस्थापक उपाध्यक्ष प्रदीप गिरीले जनयुद्ध, ओखलढुङ्गा, झापा काण्ड हुँदै नेपालको राजनीति यहाँ आइपुगेको बताए। वरिष्ठ राजनीतिज्ञ डा कञ्चन झा, केन्द्रका अध्यक्ष दीपकुमार उपाध्याय, महासचिव शेखर गिरी तथा पूर्व राजदूत लोकराज बराल, डा उद्धव प्याकुरेललले अहिलेको सरकारले देश चलाएको तरिकाले जनतामा असन्तुष्टि बढेको बताए ।