-
काठमाडौँ : केन्याले पहिलो एक दिवसीय खेलमा नेपाललाई जितका लागि २१९ रनको लक्ष्य दिएको छ ।
नैरोवीस्थित जिमखाना क्रिकेट मैदानमा टस जितेर पहिले ब्याटिङ गरेलो केन्याले ४८ ओभर १ बलमा अलआउट भएर २१८ रन बनायो ।
केन्याका लागि रकिप पटेल र कोलिन्स ओबुया अर्धशतकीय पारी खेले । पटेलले ६७ बनाउँदा ओबुयाले ६२ रनको योगदान गरे । त्यस्तै केन्याका लागि ईफ्रान करिमले ३१ तथा सचिन बुँदियाले २७ रन बनाए ।
बलिङतर्फ नेपालका लागि सोमपाल कामी र करण केसीले समान तीन-तीन विकेट लिए । आदिल आलम र पवन सर्राफले समान एक-एक विकेट लिए ।
आजको खेलमा जित निकाल्दै नेपाल सिरिजको सुखद सुरुवात गर्ने योजनामा छ । यता केन्या पनि जित निकाल्ने योजनामा छ ।
