काठमाडौं ।

सामूहिक राजीनामा दिएका करार सेवाका ९ जना मेडिकल अफिसरहरुलाई राप्ती स्वास्थ्य विज्ञान प्रतिष्ठान दाङले सेवाबाट हटाएको छ ।

जागिरबाट हटाइएकाहरुमा पृतम डिसी, अभ्यास पोखरेल, अनिल खाम, गौरव आचार्य, सुवर्ण बुढा, धना केसी, राजेन्द्र कुलारा, आयुष पौडेल उपाध्याय र कृष्ण रिजाल छन् । मनोज यादवको करार सेवा भने यसअघि नै भंग गरिएको थियो ।

उपकुलपति भण्डारीको कार्यशैलीमा प्रश्न उठाउँदै उनीहरुले यही भदौ ५ गते सामूहिक राजीनामा दिएका थिए ।

स्वास्थ्य जस्तो अत्यावश्यक सेवामा काम नगरेकाले कार्यकारी परिषदको निर्णयबाट उनीहरुलाई सेवाबाट हटाइएको काम नगरेकाले उनीहरुलाई सेवाबाट हटाइएको उपकुलपति प्रा। डा। संगीता भण्डारीले जानकारी दिइन् ।

उनीहरुको एकवर्षे करार सेवा आगामी मंसिर १५ गते सकिन्थ्यो । उनीहरुलाई हटाएर नयाँ पदपूर्तिको प्रक्रिया सुरु गरेको रजिष्टार रामप्रसाद प्याकुर्‍यालले जानकारी दिए ।