काठमाडौं । संघीय मामिला तथा सामान्य प्रशासन मन्त्रालयको विविध शिर्षकमा बिनियोजन गरिएको बजेट घटाउन प्रस्ताव गरिएको छ । यो मन्त्रालयको बिबिध शिर्षकमा मात्रै १ अरव ६४ करोड ८४ बजेट विनियोजन गरेकोमा आपत्ति जनाउँदै त्यसलाई दुरुपयोग हुन नदिन खर्च कटौतीको प्रस्ताव पेश गरिएको हो । राष्टियसभाको बैठकमा बोल्ने प्रतिपक्ष दलका सांसदहरुले यो प्रस्ताव गरेका हुन् ।
संघीय मामिला तथा सामान्य प्रशासन मन्त्रालयले संघीयता अनुकूल काम नगरेको, कर्मचारी समायोजनको कामको समेत उचित व्यवस्थापन गर्न नसकेको तर विविध शिर्षकमा पनि अत्याधिक बजेटको व्यवस्था गरेर मुलुकको अर्थतन्त्रमाथिकै बदनियत राखेको उल्लेख गर्दै बजेट घटाउन माग गरिएको सांसहरुले बताए ।
सांसद मुक्ताकुमारी यादवले ५ वर्षमा दोब्बर कृषिमा उत्पादन गर्ने लक्ष्य लिएको सरकारले बजेटमा कृषि क्षेत्रको विकासका लागि ३ प्रतिशत पनि बजेट विनियोजन नगरेकोमा आपत्ति जनाएकी थिईन् ।