• काठमाण्डौ : काठमाण्डौ महानगरपालिकामा मेयर पदका स्वतन्त्र उम्मेदवार बालेन्द्र (बालेन) साहले झन्डै १८ हजार मतले अग्रता कायम गरेका छन् ।

    पछिल्लो मत परिणामअनुसार उनले नेपाली कांग्रेसकी सिर्जना सिंहभन्दा १८ हजार नौ सय २३ मतले लिड गरिरहेका छन् । बालेन्द्र साहले अहिलेसम्म ४७ हजार चार सय २९ मत ल्याउँदा सिंहले २८ हजार पाँच सय ६ मत ल्याएकी छिन् ।

    राष्ट्रिय सभा गृहमा मतगणना चलिरहँदा एमालेका उम्मेदवार केशव स्थापित तेस्रो स्थानमा छन्। उनले २७ हजार ६ सय ४२ मत ल्याएका छन् ।

    महानगरको उपमेयरमा भने नेकपा एमालेकी उम्मेदवार सुनिता डंगोलले पनि फराकिलो अग्रता कायमै राखेका छन् ।